Hripui vei mi 1,362 (0.62%) chiah an awm

Mizoramah nimin tlai dar 5 thleng khan Covid-19 vei enkawl lai mi 1,362 chiah an awm tawh a, chu chu positive hmuh tawh zawng zawng aṭangin 0.62% chiah a ni.

March 20, Pathianni khan Covid-19 vei mi 123 hmuh chhuah a ni a, positivity rate chu 18.58% a ni. Nimin khan hripui vei dam tawh mi 408 chhuahtir niin, hripui vangin mi pakhat a thi.

Pathiannia hripui vei hmuh chhuahte chu mipa 55 leh hmeichhia 68 an ni a, RAT hmanga hmuh chhuah vek niin, endikna dang hmangin swab sample endik a ni lo. Mizorama district 11 zinga district pangaah positive hmuh a ni a, district parukah positive hmuh a ni lo.

IDSP record angin, Mizoramah Covid-19 vei 2,22,706 hmuh chhuah a ni tawh a, mipa 1,03,892 leh hmeichhia 1,18,814 an ni. Nimin tlai dar 5 thleng khan mi 2,20,667 (99.08%) chhuahtir an ni tawh a, mi 677 (0.30%) thi tawhin, enkawl mek mi 1,362 (0.62%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,22,583 chu mi 1,000 zelah hripui vei mi 203 an awm ang a ni a; mi 1,00,000 zela Covid-19 vangin mi 61 an thi tawh ang a ni tih sorkar thuchhuakin a tarlang.