COVID-19: Mizoram dinhmun Ni 2 chhungin hripui vei 106

November 20-21, ni hnih chhungin Mizoramah hripui vei mi 106 hmuh chhuah a ni a, mipa 75 leh hmeichhia 31 an ni. Inrinni leh nimin khan hripui laka fihlim tawh mi 59 chhuahtir an ni thung.

Covid-19 vei hmuh chhuah thar mi 106-te chu November 20-a hmuh chhuah mi 66 leh November 21-a hmuh chhuah mi 40 an ni a; an zinga mi 49 chu Mizoram chhunga kái niin, mi 57 chu state páwn aṭanga tun hnaia rawn lût an ni.

November 20-a hmuh chhuah mi 66-te chu mipa 44 leh hmeichhia 22 an ni a; ZMC laboratory-a hmuh mi 42, TrueNAT-PCR hmanga hmuh mi pasarih leh Rapid Antigen Test (RAT) hmanga hmuh mi 17 an ni.

November 21, Inrinnia hmuh chhuah mi 40-te chu mipa 31 leh hmeichhia pakua an ni a; ZMC-a hmuh mi 14, TrueNAT-PCR hmanga hmuh mi 18 leh RAT hmanga hmuh mi pariat an ni.

Inrinni khan hripui laka fihlim tawh mi 46 chhuahtir an ni a, nimin khan mi 13 an chhuak leh. November 20, Zirtawpni khan mi 86 an chhuak bawk a; tun hnai ni thum chhunga chhuahtir zawng zawng chu mi 145 an tling.

Mizoramah Covid-19 positive mi 3,647 hmuh chhuah a ni tawh a, mipa 2,710 leh hmeichhia 937 an ni. Nimin tlai dar 5 thleng khan mi 3,170 (86.92%) chhuahtir an ni tawh a, mi panga (0.14%) thi tawhin, enkawl mek mi 472 (12.94%) an awm.

Sorkar thuchhuah tarlan danin, No­vember 20, Zirtawpni khan Mizoramah mi 1,104-te swab sample endik an ni a; ZMC laboratory-ah mi 623, TrueNAT-PCR hmangin district pasarihah mi 81 leh RAT hmangin district pakuaah mi 400 endik a ni.

November 21, Inrinni khan Mizoramah mi 1,052-te swab sample endik an ni a; ZMC laboratory-ah mi 469, TrueNAT-PCR hmangin district pariatah mi 167 leh RAT hmangin district 11-ah mi 416 endik a ni.

Sorkar thuchhuah tarlan danin, November 20-a ZMC laboratory-a hmuh chhuah mi 52-te chu mipa 29 leh hmeichhia 23 an ni a, kum 14-66 inkar an ni. An zinga a zatve, mi 26 chu tualchhunga kái an ni a, a zatve dang chu state pawn aṭanga rawn lut an ni.

TrueNAT-PCR hmangin Civil Hospital, Lungleiah hmeichhia kum 22 mi hmuh chhuah a ni a; Lunglei Ramzotlanga cheng, tun hnaia Shillong aṭanga haw, symptom nei lo a ni. Serchhip District Hospital-ah mipa paruk, Bhartia company hnuaia labour hna thawk tura Assam aṭanga rawn lut hmuh chhuah a ni a, company hmuna inkhung lai niin, symptom an nei lo.

RAT hmanga hmuh chhuah mi 17-te chu Aizawla hmuh mi pali, Kolasib district-a hmuh pahnih, Lawngtlaia hmuh pariat leh Mamita hmuh pathum an ni a; tualchhunga kái mi 12 leh state páwn aṭanga rawn lut mi panga an ni.

Kanhmun screening point-ah Tripura aṭanga rawn lut hmeichhe puitling pathum hmuh a ni a, Bawngkawn, Tuithiang leh Ṭhuampuia mite niin, symptom an nei lo vek. Vairengte-ah sipai pahnih, CIJWS-a awm hmuh chhuah a ni bawk.

SRH-ZMC, Falkawn - 1: Hmeichhia kum 45, SRH-ZMC ICU-a duty staff nurse, symptom nei lo.

Staines Memorial School - 4: Mipa kum 17, hmeichhia kum 16, 18 & 19. Dawrpui Vengthar, Sawleng leh Siahaa chengte. Kaina hriat, symptom nei lo vek.

Ṭhuampui - 12: Mipa puitling vek pariat leh hmeichhia pali - kum 14, 17, 26 & 42. Mi pasarih chu tun hnaia Champhaia positive tih hmuh chhuahte inneihnaa kal an ni. Mi dangte chu Synod Hospital-a damlo awm lai, traffic police, taxi driver, Mizoram police leh civil mi pakhat ṭheuh an ni. Symptom nei 2, hri kaina hriat loh 2 an awm.

Chaltlang - 2: Mipa kum 44 & 66. Tun hnaia Champhaia +ve hmuh takte inneihnaa kal, symptom nei lo.

Bungkawn - 1: Mipa kum 28. Result tihchhuah laiin a chanchin hriat chian loh.

Chawnpui - 1: Hmeichhia kum 18, a nu leh a nau +ve hmuh tawh, symptom nei lo.

Ramthar Veng - 1: Hmeichhia kum 17, a nu +ve hmuh tawh, symptom nei lo.

Tlangnuam - 1: Hmeichhia kum 19, a chenpuite zingah +ve hmuh tawh, symptom nei.

Zemabawk - 1: Mipa kum 29, kaina hriat, symptom nei lo. A hmain hripui a kái tawh a, a negative hnuah chhuah tir a ni a, hri a kai nawn leh a ni.

Armed Veng - 2: Mipa kum 30 & 52, symptom nei lo ve ve. Kum 52 hi 1st MAP, Bihar inthlana duty zo rawn haw. Kum 30 mi missionary, damlo buaipuia Tripura aṭanga rawn haw.

Bawngkawn - 2: Mipa kum 38, hmeichhia kum 37; symptom nei ve ve. Mipa Assam Rifles sipai Manipur aṭanga rawn haw. Hmeichhia hri kaina hriat loh.

Republic Vengthlang - 3: Mipa kum 21 & 35, hmeichhia kum 17. Kum 21&17 unau, an pa ber +ve hmuh tawh, symptom nei lo. Mipa kum 35 Assam Regiment, Vishakapatnam aṭanga rawn haw thar, symptom nei lo.

Armed Veng South - 1: Mipa kum 32, MPRO Bihar inthlana duty zo rawn haw, symptom nei lo.

Saron Veng - 1: Mipa kum 55, MAP, Bihar inthlana duty zo rawn haw, symptom nei lo.

Ramhlun Venglai - 1: Mipa kum 17, Churachandpur aṭanga rawn lut, symptom nei lo.

Zokhawsang - 1: Mipa kum 27, Assam Rifles a ni a, Kolkata aṭanga rawn lut, symptom nei lo.

5th IR, Lungverh - 6: Mipa kum 23, 32, 33, 37, 45 & 50. Bihar inthlana duty rawn haw, symptom nei lo vek.

Chhingchhip - 1: Mipa kum 35, Assam Rifles sipai, Nagaland aṭanga rawn haw, symptom nei lo.

Dawrpui Vengthar - 1: Mipa kum 14, Symptom a neih vanga endik, hri kaina hriat loh.

Zonuam -  1: Hmeichhia kum 30, Trinity Diagnostic Centre-a hmuh chhuah, symptom nei lo.

Zotlang, Aizawl - 2: Nupa, mipa kum 42, hmeichhia kum 35; symptom nei ve ve, kaina hriat loh. Annu zawk private hospital-a inentir tura kal, RAT hmanga hmuh, pa zawk police.

Lawngtlai Council Veng - 3: Mipa kum 16 & 21, hmeichhia kum 28. Kaina hriat, symptom nei lo vek.

Lawngtlai Chandmary - 2: Mipa kum 27 & 40, kaina hriat, symptom nei lo ve ve.

Paithar - 3: Mipa kum 5, hmeichhia kum 9 & 23. Hri kaina hriat, mipa naupang kum 5 miin symptom a nei.

November 21, Inrinnia ZMC laboratory-a hripui vei hmuh chhuah mi 14-te chu mipa 11 leh hmeichhia pathum an ni a, kum 9-54 inkar an ni. An zinga panga chu tualchhunga hri kai an ni a, mi dang pakua chu state páwn aṭanga tun hnaia rawn lut an ni thung.

TrueNAT-PCR hmangin Civil Hospital, Lunglei laboratory-ah mipa kum 42 leh 43, 2nd MAP mi leh sa hmuh chhuah an ni a; tun hnaia Bihar inthlana duty zo rawn haw, symptom nei lo an ni.

Serchhip District Hospital-ah hripui vei mi 16 hmuh chhuah a ni a; mipa 15 leh hmeichhia pakhat an ni. Mipate chu kum 25-33 inkar, Bhartia company hnuaia thawk tura Assam aṭanga rawn lut an ni a, symptom an nei lo. Hmeichhia kum 24 mi chu Serchhip P&E Venga mi, Delhi aṭanga rawn haw a ni a, symptom a nei.

Sorkar thuchhuah tarlan danin, RAT hmangin Lawngtlai district-ah Covid-19 positive paruk leh Mamitah mi pahnih hmuh chhuah a ni. Lawngtlaia mi parukte chu tualchhunga kai vek an ni a, Mamita hmuh chhuahte chu state páwn aṭanga rawn lut ve ve an ni.

Bethlehem Veng - 2: Mipa kum 9 & 32, an chenpuite zinga +ve hmuh tawh, symptom nei lo ve ve.

Dawrpui - 1: Mipa kum 11, a chenpuite zinga +ve hmuh tawh, symptom nei lo.

Ṭhuampui - 1: Hmeichhia kum 46, kaina hriat, symptom nei lo.

SRH-ZMC, Falkawn - 1: Hmeichhia kum 26, SRH ICU-a nurse duty, kaina hriat, symptom nei lo.

Bawngkawn South - 1: Mipa kum 43, Delhi aṭanga haw, symptom nei lo.

Durtlang Mel-5 - 1: Hmeichhia kum 21, Delhi aṭanga haw, symptom nei lo.

BRO camp, Thingsulthliah - 1: Mipa kum 37, Border Roads Organization mi, Uttarakhand aṭanga rawn lut, symptom nei lo.

90 Bn. BSF - 6: Mipa vek, 90 Bn Border Security Force sipai, khung hran lai, mi 2-in symptom an nei.

Lawngtlai Council Veng - 5: Mipa kum 16, hmeichhia kum 18, 36, 40 & 64. Kaina hriat vek, symptom nei 2, nei lo 3.

Lawngtlai Bazar Veng - 1: Hmeichhia kum 37, kaina hriat, symptom nei lo.

Luangpawl, Mamit - 2: Mipa kum 27 & 42, 4th IR police, Bihar inthlana duty zo rawn haw, symptom nei ve ve.