DTDC Rs. 75,000 chawi tura tih a ni
RL Rinawma, IRS (Rtd.)-in a khin avangin Aizawl District Consumer Disputes Redressal Commission chuan DTDC, Aizawl Ltd. chu Rs. 75,000 chawi turin a hriattir.
Vanglaini palai zawhna chhángin RL Rinawma chuan, DTDC a khin chhan chu Mizo mipui thlavâng hauhna atan a nih thu a sawi a, "Mi tam takin an thil chah pe duh loin lam turin an ti ṭhin. Mizo mipui hi mi khinte kan hreh avangin min zuam lutuk a ni. Hlâwk an duh lutukna lamah mi chhawr tam duh loin, mipui min tawrhtir thung," a ti.
RL Rinawma chuan, India ram hmun dangah DTDC-te'n an office-a lam turin mipui an tih ngai loh thu sawiin, "Hetiang hian hmun dangah chuan ti se, an office mipuiin an luhchhuah tawh ang," a ti a; an deliver thei dawn lo a nih chuan chah dawnah an sawi mai tur a nih thu a sawi.
Aizawl District Consumer Disputes Redressal Commission chuan, RL Rinawma complaint thehluh chungchangah hian tun hnai khan thutlukna a siam a, DTDC, Aizawl Ltd. chu Rs. 75,000 chawi turin a a ti. RL Rinawma hian Rs. 1,00,000 chawi turin DTDC hi a phût a, commisison chuan Rs. 75,000 (75%) chawi turin thutlukna a siam ta zawk a ni.