RD Minister-in SPMRM hmalakna a en

Rural Development minister Lalruatkima chuan Aibawk RD cluster hnuaia Phulpui leh Sateek khuaa Shyama Prasad Mukherjee Rurban Mission (SPMRM) hnuaia hna thawh tur ruahmante November 21, Inrinni khan a hmunah a enfiah.

Lalruatkima chuan, SPMRM chu Mizorama RD block paliah chauh kalpui a ni chungin kum 2016-17, 2018-19 leh 2019-20 ahte India ram puma thawk ṭha thlan zingah Mizoramin Best Performing States lawmman pahnihna a lâk thu a sawi.

Minister hian Phulpuia Zawlpala Thlantlang panna bula car parking leh rural tourism atana thil ṭangkai siamna tur hmun te, Sateek bul, Darlung panna péng bula wholesale market sakna tur hmun leh Sateek community hall chei ṭhatna tur leh futsal ground siamna turte a en a ni.