ASF vangin vawk a thi leh mek

Aizawl district-a Sakawrdai leh a chhehvelah African Swine Fever (ASF) a léng mek a, tun hnaiah vawk 100 chuang a thi tawh. Aizawl DC Dr Lalhriatzuali Ralte chuan, Aizawl district-a vawk khuahkhirhna thupek March 21, Thawhṭanni khan a tichhuak.

Sakawrdai SDO (Civil) Lalfakawma Chhak­chhuakin March 21, 2022-a thupek a chhuaha a lan danin, Sakawrdai leh a chhehvelah hian ASF a len mek avangin tun hnaiah vawk 100 chuang a thi tawh a, vawk thih chhan chu ASF vang a ni tih finfiah a ni. SDO chuan, Sakawrdai aṭanga ran lak chhuah leh hmun dang aṭanga lak luh khap a nih thu a puang.

Aizawl DC thupek
1) AH&Vety department aṭanga phalna neite chauhin Aizawl district-ah district pawn lam aṭangin vawk leh vawksa aṭanga thil siamte an la lut thei.
2) Hmun dang aṭanga vawk la lut turte'n an lakna tur hmun aṭangin ASF free certificate an nei tur a ni.
3) Vawk thi rêng rêng paih loin, leiah thûk taka phûm zel tur.
4) Vawk hrisel leh thianghlim, vety doctor-te'n talh tlaka an ngaihte chauh talh tur a ni.