Mamitah State Handloom Expo buatsaih

Mizoram Handloom & Handicraft Development Corporation Ltd. (ZOHANDCO) chuan nimin khan Mamita Siamliana Hall-ah State Handloom Expo, 2022 an buatsaih a, bialtu MLA H Lalzirliana'n a hawng.

H Lalzirliana chuan, Mizo thuam leh dehchhuahte ngaihsan a ṭul thu sawiin, "Pathianin tihsual nei miah loin Mizo-ah min siam a, hnam dang changkang zawkte ngaisang a, an tih dan zir hi a zahthlak a, ṭhalaite zingah Korean ngaihsanna leh an tih dan entawn tumte hi thil zahthlak a ni. Mizo taka changkan hi kan tum tur a ni," a ti.

Mamit DC Lalnunhlua pawhin thu sawiin, Mizo thuam chi hrang hrang ṭha tak tak a awm tawh rualin, tun aia ṭhaa siam tura ngaihtuahna hmang tur leh mipui duhthusam siam zel turin kal khawmte
a chah. State Handloom Expo-ah hian dawr 25 a awm a, March 31, 2022 thleng a awh dawn a ni.