Lunglei district-a CD ratio 61.95%

Lunglei DC Kulothungan A kaihhruaiin nimin khan DC conference hall-ah District Consultative Committee/District Level Review Committee/District Level Security Committee an ṭhukhawm a; October-December 2021 chhunga Lunglei district-a bank-te CD ratio chu 61.95% a nih thu tarlan a ni.

Ṭhutkhawmah hian October-December 2021 chhunga Lunglei district-a bank hrang hrang hmalak dan leh harsatnate thlirho a ni. Lunglei district-a bank 20-te credit deposit ratio (CD Ratio) chu 61.95% a ni a, hei hi Reserve Bank of India-in CD ratio a bituk zat 60% aiin a sang zawk.

Lunglei district-a bank-te'n agriculture hnuaiah mi 2,007 hnenah loan cheng nuai 2,125.35, MSME hnuaiah mi 1,093 hnenah cheng nuai 3,839.71, other priority sector hnuaiah mi 2,296 hnenah nuai 3,686.15, self help group 23 hnenah loan cheng nuai 59.69, KCC hnuaiah mi 936 hnenah loan cheng nuai 817.35, PMEGP hnuaiah mi 28 hnenah loan cheng nuai 48.48 leh NRLM hnuaiah mi 18 hnenah loan cheng nuai 39.69 an pe a ni.