Pa khâwina hmunpui hawng

Mizoram Science, Technology & Innovation Council (MISTIC) leh Saitual VC-I din pâ (mushroom) chi siamna leh khâwina hmunpui Centre for Mushroom Production chu nimin khan Directorate of Science & Technology chief scientific officer H Lalsawmliana'n a hawng.

H Lalsawmliana chuan, India ramah pâ chi hrang hrang hralhna a ṭhat thu sawiin, "Mizoramah ngei pawh kan mamawh ang kan thar chhuak lo nasa a, tih tak zeta beite tan eizawnna kawng zau tak a inhawng a ni," a ti a; Centre for Mushroom Production din a nih theihna ataan sorkar department thawhpuitu Saitual VC-I chungah a lawm thu a sawi.

Centre for Mushroom Production hi sorkar laipuia Department of Science & Technology hnuaia North East Centre for Technology Application and Reach (NECTAR) aṭanga sum hmuh hmanga din a ni a; laboratory siam niin, pa chi siam nana hman tur kháwl hrang hrang leh pa khàwina pindante siam a ni.