In sak ṭanpuina inhrilhfiah

Urban Development & Poverty Alleviation department hnuaia Pradhan Mantri Awas Yojana (Urban): Housing for All detailed project report pahnihna angin Thawhlehni khan Aizawla hmun pali-ah in sak ṭanpuina dawngtute hriat tur leh tih turte inzirtirna sensitization programme buatsaih a ni a, ṭanpuina dawngtu mi 1,131 an tel.

Programme-ah hian in sak dan tur te, sum sem dan tur leh geo-tag hmanga in sak vil dan turte inzirtir a ni a; grant-in-aid undertaking (intiam kamna lehkha) sem a ni bawk.

Sorkar laipui chuan March 2022 khan UDPA department hnenah Mizorama in sak ṭanpuina tur cheng vbc. 46.56 a pe a; Aizawlah chuan second DPR-ah mi 4,867 awmin, ṭanpuina dawng tur mi 3,252-te chu MIS-ah thun luh a ni tawh. MIS-a thun tawhte tan sorkar laipuiin cheng nuai 1,951.2 a rawn pe a ni.

District khawpui dang leh census town dangahte pawh sensitization programme buatsaih thuai a ni dawn a, in sak ṭanpuina chu sem zel tura ruahman a ni.