Naupang himna chungchang zirho

Young Indians Mizoram Chapter leh Mt. Carmel School chuan nimin khan Sangluri Hall, Chaltlang Vengah naupang himna (child safety) chungchang zirhona hun an buatsaih.

Inkhawm hi Young Indians Mizoram Chapter-a Masoom chairman Lalremsanga Nghaka'n a kaihruai a, Mizoramah child safety chungchanga hmalak nasat a ṭulzia leh Young Indians-in theihtawp a chhuah tur thu a sawi. Resource person, Mizoram State Child Protection Society-a protection officer Lalremruati chuan, zirlaite chu an himna chungchang leh mipat hmeichhiatna chungchanga an hriat tur pawimawhte a hrilh a ni.