Venghnuai-in kut inthlak dem

Venghnuai Branch YMA chuan thuchhuah siamin, November 23, 2018 khan an veng naupang Home Mission School hostel, Zemabawk Lungbial Venga awm chu na taka sawisak a nih thu leh tun thlengin ICU-ah enkawl a nih thu an tarlang a; a sawisatute chu dan anga na taka hrem an nih theih nan police leh dan lama hma latute an thlâwp tlat thu leh, thil kal zel dan an vil zui zel dawn thu an sawi.

Venghnuai YMA tarlan danin, sikul naupang sawisatute chu - Andrew K Zadia s/o K Johnson, Siaha Vengpui (present address - Upper Republic), Lalrengliana s/o HP Lalrinsanga (L), Vawmbûk, Lawngtlai district (present address - Chawnpui), Reuben Lalhmangaihzauva s/o Sapthanga, Vairengte (present address - Upper Republic) leh, kum tling­lo mi pahnihte an ni a; kum tling tawh pathumte chu police-in an man tawh a, kum tling lo pa­hnihte chu remand home-ah dah an ni.