World TB Day hmang

Nimin khan Serchhip, Lawng­tlai leh Mamit­ah World TB Day, 2022 hman a ni a, thupui chu 'TB natna tibo turin i tha leh zung seng la, nunna chhanhim rawh' tih a ni.

Serchhipah chuan TB Day hi Press Club-ah district medical superintendent Dr ZD Lalmuanawma hoa hman a ni a, Serchhip district-ah kum 2021-22 chhungin TB vei 80 hmuh an nih thu leh TB vanga thi an la awm loh thu tarlan a ni.

Mamitah chuan IPR conference hall-ah hman niin, kum 2022-ah TB vei mi 12 hmuh chhuah an ni tawh tih an tarlang.

Lawngtlaiah chuan CMO conference hall-ah World TB Day hman a ni a, Lawngtlai East bialtu MLA H Biakzaua'n a hmanpui. Lawngtlaiah hian kum 2021-ah khan TB vei enkawl dam mi 68 leh thihpui mi pahnih an awm a, kum 2022 kum kalmekah enkawl lai 26 an awm.