Ṭha taka thawk turin chah

Nimin khan deputy chief minister Tawnluia chuan a bial chhunga hmasawn-na hnathawh mek leh hmachhawp awmte a enfiah a, thawk­tute chu ṭha taka hnathawk turin a chah.

Dy. Chief Minister chuan hmasawnna ruhrel hrang hrang thawktu leh viltute chu sulhnu pawr lo leh mam ṭha, nakin zela chhawr ṭangkai zel theih tur hmathlir thiam turin a hrilh a, "Hunbi tuka zawh hman a nih theih nan ṭhal chhung ngei, fur tlak hmain theihtawp chhuahin ṭan la ang che u. Hmasawnna ruhrel siam ṭul pawimawh tak takte chu a tahtawla ruahmanna siama thawh tum a ni," a ti

Thingtlanga chengte tihhmasawn kawnga khaipa DRDA pisa sakna lung phum a ni leh hna ṭan chhoh mek zel a ni chu lawmawm a tih thu sawiin Tawnluia chuan, "District tharah pisa awm turte a remchan ang zela din chhoh mek zel a ni," a ti a, pisa dangte pawh ngaihtuah zel a nih tur thu a sawi.

Dy. Chief Minister hi C Lalmuanpuia, MLA-in a ṭawiawm a ni.