Tripura-a Zo fate himna atan Sorkarin mit a lèn - Ruatkima

MNF Legislature Party secretary Lalruatkima, minister of state chuan, Tripura-a Zo fate him taka an awm theihna turin Mizoram sorkar chuan mit a lèn reng niin a sawi.

Nimina Lunglei District MJA Annual Conference a hmanpuinaah Lalruatkima chuan, "Tuikuk chungchangah Mizoram­in harsatna a tâwk a, min hêk a, demand tam tak an nei a ni. Tuna inremna a lo awm ta hi a lawmawm tak zet a ni," a ti.

Lalruatkima chuan, Bru chungchanga thutlukna chu Pathianin Mizote a venhimna leh enkawlna lang chhuak a ni tih chu a pawm dan a nih thu sawiin, "Tuikuk, Tripura-a awm nghet mek turte hian Zampui tlanga Zo fate tan harsatna an siam palh kan hlau hle," a ti a; Tripura-a Zo fate him taka an awm theihna turin Mizoram sorkarin mit a lên reng thu a sawi a ni.