Siaha-ah kangmei ven dan tur sawiho

Siaha district bawrhsap Lalsangliana kaihhruaiin nimin khan District Panchayat Resources Centre-ah District Level Fire Prevention Committee (DLFPC) an ṭhu a, kangmei laka himna tura hmalak dan tur an sawi.

MADC DFC Thaly T Azyu tarlan danin, kumina huan leh lo hal hun bituka hal ve lo mi 12-te pawisa chawitir an ni a, an pawisa chawi tling khawm hi Rs 20,000 a ni. Huan halnaah hectare 14.5 a zau leh lo halnaah hectare 70 a zau ram tih kan palh a ni. January 1, 2022 aṭanga nimin thleng khan chenna in pakhat a kang a, ram kang hmun rukah a awm tawh bawk.

Ṭhutkhawmah hian DLFPC hnuaiah khawtinah Village Level Fire Prevention Committee (VLFPC) din te, fire hydrant siam belh theih dan tur te, kohhran tinah kangmei laka fimkhur pawimawhna inzirtir tura ngen te, fire watchman chungchang te, kangmei laka khua leh khaw ram humhalh ṭha thingtlang khuate hnenah lawmman siam te, MGNEGS hnuaia meikawng sialte leh Fire Prevention Awareness campaign kalpui dan turte an sawiho a ni.