Kangmei laka fimkhur turin chah

Aizawl DC Dr Lalhriatzuali Ralte chuan nimin khan kangmei laka himna tur hriattirna leh ngenna a tichhuak a; LC/VC hruaitute chu kangmei laka mipui him nan hma la turin a chah.

Aizawl Bawrhsap chuan tunhnaiah khua a ṭhal chho leh ta tih sawiin,"Mizoram hmun hrang hrangah kangmei chhuakin chenna in tam tak leh mihring nunna hial pawh chân an lo awm ta zel mai hi a pawi hle. Local/village council te’n mahni veng/khua ṭheuhah kangmei laka mipui te kan him zawk nan a ṭul anga hma la tur leh zirtirna a tam thei ang bera in pe turin kan in ngenin kan in hriattir a ni," a ti.

Aizawl DC hriattirna
1. Electric wiring uluk taka siam a, MCB hman ṭheuh tur.
2. Gas hmanga eirawngbawl leh thing tuah thuk hmangte’n an hman zawhah uluk takin an ti mit tur a ni.
3. Ram kalte’n ram kalna a an meituah/chhemte ṭha takin an ti mit tur a ni.
4. Ar leh vawk vulhte’n an ran vulhna aṭanga kangmei ti chhuak theite uluk zawkin an thlithlai reng tur a ni.
5. Meizial zuk bung ti mit tha lo in paih mai mai loh tur.
6. Petrol/diesel/gas/khawnvartui zuarte’n kang ṭhelhna hmanrua (fire extinguisher/ sand bucket) an inchhawp ngei tur a ni.
7. Kang mei a chhuaha ṭanpuitu kan kohin chhiatna thlenna hmun chiang taka hrilh ṭhin tur.

Kang mei chhuaha biak tur Phone number
Fire & Emergency Services 101
ERSS (Emergency Response Support System) 112
Aizawl Fire Station 0389-2322384/9436730440
Khatla Fire Station 0389-2336406/9436730450/101
Kulikawn Fire Station 0389-2312000/7628053799
ITI Fire Station 9366984684
Bawngkawn Fire Station 9436727944

Police Station
Aizawl 0389-2322375/8794747291
Bawngkawn 0389-2340758/2347570
Kulikawn 0389-2322379
Vaivakawn 0389-2342303
Sairang 9774722968