Sum enkawl kawngah CM fak

Mizo National Youth Front (MNYF) elected office berarer, general secretary leh Aizawl City Block MNYF elected office bearer-te nimina Mizo Hnam Runa ṭhukhawm chuan sum enkawl kawngah chief minister Zoramthanga an fak.

MNYF resolution
1) Ramin sum leh paia harsatna a tawh lai leh kum kal taa kan budget pharh cheng vbc. 2800 vel zet kan hmuh theih loh laiin, kan chief minister Zoramthanga, Finance minister ni bawkin fing leh remhre taka kan sum leh pai a enkawl avanga harsa lutuk loa sorkar a kalpui thei hi a ropui kan tiin kan chhuang takzet a ni.
2) Kan sorkarin kum 2018 MLA inthlan dawna flagship programme a lo tlangaupui tawh SEDP chu mipuiten eizawnna ngelnghet zawk an neih theihna tura hun harsa tak kara kalpui tura ruahmanna a siam hi ropui kan ti.
3) Kan sorkarin mipuite ei leh bara harsatna awm lova vawiin thlenga min hruai thei hi kan sorkar chungah lawmthu kan sawi a ni.
4) MNF sorkar hnua furpui vawi 3 (thum) ngawt kan paltlang tawh hnu pawha inkalpawhna kawngpui lama harsatna lian tham tawk loa kan kal zel thei hi kawngpui ngai pawimawhtu sorkar kan neih vang a ni a, a lawmawm kan ti hle a ni.