Recycable waste qtl. 640.47 hralh tawh ; Hralhna aṭangin Rs 20,969.75 hmuh a ni

Aizawl Municipal Corporation (AMC)-in January 20, 2022 aṭanga Aizawl khawpui bawlhhlawh sâwngbâwlna, Solid Waste Management Centre (SWMC), Tuirial an enkawl hnuah bawlhhlawh hman nawn theih (recycable waste) quintal 640.47 an hralh tawh a, hralhna aṭangin Rs 20,969.75 an hmu tawh.

AMC executive councillor Laltlanzova Khiangte (i/c Solid Waste Management) chuan Vanglaini palai zawhna chhangin, recycable waste chu AMC-in an hralh chhuah tawh thu a sawi a, "March 7, 2022 aṭangin kan ti ṭan a, March 21, 2022 thleng khan recycable waste dealer-te hnenah quintal 640.47 kan hralh tawh," a ti a; Aizawl khawpui bawlhhlawh zinga hman nawn theihte aṭanga AMC-in sum a la lut thei chu lawmawm a tih thu a sawi.

Laltlanzova chuan, AMC-in recycable waste dealer 13 leh bawlhhlawh hai ṭhin (rag picker) 75 an neih mek thu sawiin, "Recycable waste kan hralhah hian royalty kan la a, metal quintal khatah Rs 75, paperṭcardboard quintal khatah Rs 35 leh plastic quintal khatah Rs 25 zel kan la," a ti a; recycable waste an hralhna aṭangin AMC-in Rs 20,969.75 a hmuh tawh thu a sawi a ni.