LDVCA kum 25 tlin lawm

Lawngtlai District Village Council Association (LDVCA) chuan nimin khan Lawngtlai Central YLA Hall-ah an kum 25-na, silver jubillee an lawm a, Lawngtlai East bialtu MLA H Biakzaua’n a hmanpui.

LDVCA hi March 25, 1997-ah din a ni a, VC puitling 97 leh sub-village pasarih a awm a, village council awm zawng zawng chu 104 a ni.

H Biakzaua chuan, VC chu ram hmasawnna tura rorelna bul inṭanna, mipui nen innghênga rorelna a nih avangin a pawimawh thu a sawi a, “Khaw ṭhan dan tur leh mipui hmasawnna tur te, khaw entawn tlak din tura mawhphurhnate VC kutah a innghat lian hle. Khawtlang hmasawnna hna thawh a ni emaw, chhiatrupna thlen thulhah emaw khawtlang mipuiin an thlir ber chu khawtlang hruaitute an ni,” a ti. MLA hian jubilee lawmpui nan Rs 10,000 a pe a ni.