MVSA-in khawmpui an hmang

Mizoram Veterinary Service Association (MVSA) chuan nimin khan Vety Rest House, Selesihah annual general conference vawi 38 na an hmang a, AH & Vety secretary Lalzarmawii’n a hmanpui.

AH & Vety Secretary chuan veterinarian-te service pawimawh zia te, Mizoram sorkar hmalaknain central sorkarin ASF vanga vawk culled-te compensation a pek tawh thute leh biosecurity level 2 laboratory thar din tum a nih chungchangte sawiin, MVSA member zawng zawngte mahni hna ṭheuhah theihtawp chhuah turin a fuih.

MVSA khawmpuiah hian an member chatuan ram pante sunna leh member tharte lawmluhna hun hman a nih bakah, hruaitu thar thlan a ni. MVSA president atan Dr R Malsawma leh general secretary atan Dr Ch Lalṭhafamkima thlan an ni.