Mizorama lutte enfiah titàwp
Health secretary R Lalramnghaka chuan, state páwn aṭanga Mizorama rawn lutte'n Covid-19 an vei leh vei loh endik ṭhin chu March 24, Ningani khan tihtawp a nih thu a tarlang.
R Lalramnghaka tarlan danin, state páwn aṭanga rawn lutte Mizoram luhka hrang hranga endik (screening) chu tihtawp ni mah se, Lengpui Airport-ah chuan Lengpui CHC medical officer pui turin screening staff pahnih an awm rih dawn a; screening staff dang zawng chu March 31, 2022 thleng chauh Lengpui Airport-ah an awm tawh dawn a ni.
Standby-a awm tur staff pahnih chu April 1, 2022 aṭangin an duty ṭan ang.