Kolasib - Garbage Free City Ni turin hmalak mek a ni

Kolasib Town Sanitation Task Force chu tunhnai khan district bawrhsap Dr H Lalthlangliana hoin DC conference hall-ah an ṭhukhawm a; Garbage Free City ni tura Kolasib khawpuia hmalak dan tur sawihoin, Kolasib-a village council tinah ni khat tal faina hnatlang huaihawt an rél.

Dr H Lalthlangliana chuan, Kolasib chu 'Garbage Free City one star rating’ ni tura dilna thehluh tawh a nih thu a sawi a, "Thuneitute pawhin endikna an rawn kalpui thuai beisei a ni. KṬP inkhawmpui lian thleng tur kan nih avangin mikhualte entawntlak tur khawpa faina kawnga hmalak a pawimawh," a ti.

Ṭhutkhawmah hian Garbage Free City ni tura tehfung hrang hrang leh faina hnatlang koh chungchanga VC dan ding lai inhrilhfiah a ni a; March 2022 ral hmaa Kolasib khawpui chhunga VC tinah faina hnatlang koh te, lui hnár humhalh leh tihfai dan tur te, khaw chhung hmun laili chei mawi dan turte an rél a ni.