Covid-19 vangin 681 thi tawh

Nimin khan tlai dar 5 thlengin Mizoramah Covid-19 vanga thi an awm lo a, March 26, Inrinni zingah mi pakhat a thi. Mizoramah hripui vangin mi 681 an thi tawh a, kumin March thla bikah mi 23 an thi tawh.

March 26, Inrinni zing dar 1 khan Phuathang (66), Siaha chu Covid-19 vangin Lunglei Dedicated Covid Health Centre (DCHC)-ah a thi a; natna dang nei tel a nih thu sorkar thuchhuakin a tarlang.