Chawlhbûk hawng

Bethlehem Vengthlanga two wheeler taxi khalhtute tana chawlh hahdamna bûk siam thar chu AMC Ward-XVI councillor R Lalawmpuii'n March 26, Inrinni khan a hawng. Hawnna inkhawm hi Aizawl two Wheeler Taxi Association president Lalhmunmawia'n a kaihruai a; R Lalawmpuii chuan, "Aizawl khawpuia a hmasa ber ni tura two wheeler taxi khalhtute'n kan MLA hmalaknaa chawlhbûk in nei hi ka lawmpui tak zet che u a, rinawm taka mipui tana ṭan la zel turin ka duh che u a ni," a ti. Chawlhbûk hi bialtu MLA Lalsawivunga'n MLA fund a pek hmanga siam a ni.