Police-in pawisa lem cheng nuai 11 hu man

Mizoram Police-a Special Narcotics Police Station team leh BSF ṭangkawp chuan March 26, Inrinni khan Dinthar Veng, Aizawlah pawisa lem Rs 11,35,600 hû an man a, a neitua puh Lalmuankimi (48), Mualpui, Salem Veng an man nghal a, an chhui zui mek bawk.

Mizoram Police thuchhuah tarlan danin, pawisa lem an mante chu Rs 500 note 1,368, Rs 200 note 1,507 leh Rs 100 note 1,502 a ni a, a vaiin Rs 11,35,600 hû a ni.

Police-te chuan, dan phal loh thil donaah police thawhpui turin Mizoram mipui an sáwm a ni.