EVM leh VVPAT chhe zat

Mizoram Assembly inthlanpui neih zawh takah electronic voting machine (EVM)-a control unit 46, control unit 46 leh voter verifiable paper trial audit (VVPAT) 101 chu a chiangkuan loh avangin thlak a ngai a, thlak a nih hnuah vote thlak chhunzawm a ni.

Election department hotute hnen aṭanga thu dawn danin, EVM-a ballot unit 46 thlak ngai chu ballot unit hman zawng aṭanga chhûtin 2.42% a tling a, Control unit thlak ngai 46 chu control unit hman zawng zawng aṭanga chhûtin 2.5% a ni. VVPAT thlak ngai 101 chu VVPAT hman zawng zawng aṭanga chhûtin 5.5% a tling.

Election department hotute chuan, EVM thlak ngai zat percentage hi state dang nena chhûtin a sáng lutuk bik lo niin an sawi a, "VVPAT thlak ngai zat perentage erawh a sang deuh," an ti.

Zawhna chhangin Election department hotute chuan, VVPAT thlak ngai a tam chhan chu, thermal print a nih vang niin an sawi a, "Ni êngin a chhunin VVPAT hi a in print thei lo a, chumi hre loa ni lo chhuntir eng emaw zat a awm a ni," tiin an sawi.