MJA member atan mi 9 la thar

MJA General Headquarters hruaitute November 27, 2018-a ṭhukhawm chuan MJA member atan mi pakua lak belh an remti a; MJA Charity Fund atan thawhkhawm leh Advance Christmas hman an rél bawk.

MJA member thar atana a lakte chu a rang thei ang berin membership fee Rs. 400 leh Welfare fund Rs. 100, a vaiin Rs. 500 pe turin an hriattir a, membership fee an pek ni aṭangin MJA member-ah chhiar an ni ang. Member tharte chu December 14, 2018-a Advance Christmas an lawmnaah MJA member-a lawm luh an tum a ni.

MJA member atana lak tharte chu - Lalchhandama, Vanglaini; K Lalhruaitluanga, Zonet; RH Lalherliana, Chhuahtlang, Kolasib; Zairemchhunga, Bahzar, Kolasib; Lalzuiliana Zote, Kolasib Today; T Biakchamliana, Serchhip Cable Network; RL Hlupuia, TT Vision, Serchhip; C Lalmuansanga, DDK, Chawngte leh, JC Lalthangliana, Lai Aw, Lawngtlai te an ni.

MJA chuan kum danga an lo tih ṭhin tawh angin, kuminah pawh mi dangte ṭanpuina turin Charity Fund thawhkhawm leh an rêl a; an member-te chu Charity Fund thawh vek tura an beisei bakah, MJA member ni lo tan pawh thawh theih a ni.