Kolasib-ah inthlan an thlirlet

Nimin khan Kolasib DC Dr Arun T hoin DC conference hall-ah November 28, Nilainia neih zawh tak MLA inthlan thlirletna buatsaih a ni a, buaina lian tham a thlen loh thu tarlan a ni.

Meeting-ah hian, polling station tina voter awm zat te, mipa leh hmeichhe awm zat te, vote thlak/tlak zat te, EPIC kenga vote thlak zat te, polling agent awm leh awm lohnate leh vote thlakna hmuna buaina/tharum thawhna a thlen leh thlen lohte thlirho a ni a; buaina emaw harsatna lian tham thleng awm loh thu an tarlang.

Meeting-a tarlan danin, polling station vote tlak tlemna ber Mualvûm (Tuirial bial) 46.4% chu service voter (postal ballot kaltlanga vote thlak) an tam vang a ni. Polling station hrang hrangah tluang tak leh felfai taka vote thlak a ni a, constituency tina polling party zawng zawngte'n Nilaini zan khan EVM leh VVPAT-te chu general observer, returning officer leh political party aiawhte hmuh laiin an dah vek a ni.