Brig. T Sailo thih champha hmang

March 27, Pathianni kha Mizoram chief minister hlui leh PC party dintu Brig. T Sailo thih champha vawi sarihna a ni a, nimin kha vui cham­pha a ni. Brig. T Sailo thih champha leh vui champha pual hian PC party chuan nimin khan an pisaah hun an hmang.

Brig. T Sailo sûnna huna thu sawitu a fapa Dr Lalrinliana Sailo chuan, a pain a thih thlenga a vei em em chu Mizoram hmasawnna a nih thu a sawi a; a thawhpui ṭhinte leh ṭhalai rual, dikna ngaisanga hlemhlêtna do leh hua zawng zawngte chu Mizo ram, hnam leh sakhua humhim tura thawkho zel turin a sáwm.

PC party senior vice president Vanlalruata pawhin thu sawiin, Brig. Ṭhenphunga policy leh hmalaknate a sawi a ni.