YMA-in gas leh hnam dang dawr endik

YMA, Tlabung Branch hnuaia Kumpuan Sub-Committee member-te chuan nimin khan Tlabung khuaah ei rawngbawlna gas sem turte a bûk a tlin leh tlin loh an enfiah a, hnam dang dawrte an enfiah bawk.

Tlabung Branch YMA hian Central YMA thuchhuak bawhzuiin, an khuaa LPG bûr, mipuia sem chhuah turte an endik a; gas bûr an bûk zingah a rih zawng tur tling pha lo a awm lo. Ni dangah pawh gas sem apiangin a ṭul anga endik an tum thu an sawi.

Tlabung YMA Kumpuan Sub-Committee chuan Tlabunga hnam dang, dawr neite pawh YMA Rûnah an ko khawm a, danin a phût ang phalna an neih leh neih loh an endik bakah, Mizo hming hawha sumdawnna kalpui an awm leh awm loh an endik.

Kumpuan Sub-Committee chuan, hnam dang dawrkai zingah license nei si, mahse, dan anga registration tinung lo an hmuh chhuah thu an sawi a; chu'ngte chu a rang lama an document-te tifel turin hun an pe a ni.