Mathematics Summer Day Camp buatsaih

Mizoram Mathe­matics Society (MMS), Mizoram Science, Technology & Innovation Council (MISTIC) leh Pachhunga University College-a Mathematics department-te chuan nimin khan pawl 9 leh pawl 11 zir zo chiahte tana chhiarkawp zirhona, Mathematics Summer Day Camp, 2022 an buatsaih a, Human Resource Development board vice chairman L Thangmawia, MLA-in a hawng.

L Thangmawia chuan, Mathematics chu subject harsaa ngaihna la awm mah se, zirtirtute an ṭhat chhoh zel avangin a nihna dik tak an hre chho mek tih a sawi a, “Zo fate zingah science, mathematics, engineering leh technology lama mithiam kan tam chho ṭan hi a lawmawm a, state dang leh khawvel huap thlir erawh chuan ṭan kan lâk nasat a la ngai hle,” a ti.

Mathematics Summer Day Camp 2022 hi April 1, 2022 thleng awh tur a ni a, pawl 9 zir zo chiah mi 24 leh pawl 11 zir zo chiah mi 35, an vaiin zirlai 59 an tel. Camp-ah hian mathematics zir zelna tura pawimawh chi hrang hrang zirpui an ni dawn a, mathematics help desk an siam bawk.