MRP aia toa tél zawrh man

Legal Metrology enforcement staff-te chuan maximum retail price (MRP) aia toa Aizawla tél (cooking oil) Best Choice zawrhna dawr panga aṭangin tél fûn 52 an man.

Legal Metrology hian Best Choice tél hralhna man (selling price) a to thu report an dawn bawhzuiin, Aizawla dawr eng emaw zat an endik a; Legal Metrology (Packaged Commodities) Rules, 2011 Section 18-in MRP aia toa hralh a khap angin, dawr panga aṭangin Best Choice tél fûn 52 an man nghal tih an tarlang. Best Choice tél hi MRP-ah Rs 154 man a nih laiin, Rs 160-a zawrh a ni hlawm.

Sorkar thuchhuah tarlan danin, tél an mante chu wholesaler/stockist Mosia Store, Edenthar Veng aṭanga MRP aia toa lâk/pek chhuah a ni a, Mosia Store hian stock an nei tawh lo a, insawifiah tura koh an ni.

Legal Metrology chuan, bungrua (pakaged commodity) rêng rêng MRP aia toa lei lo tur leh chutianga zuar an awm chuan Legal Metrology, Hunthar Vengah emaw district hrang hranga Legal Metrology office / police station-ah hriattir turin mipui an ngen a ni.