Covid-19 vangin mi 684 thi tawh

Nimin khan tlai dar 5 thlengin Mizoramah Covid-19 vanga thi an awm lo a, March 28, Thawhṭanni khan mi pathum an thi a, natna dang nei tel vek an ni. Mizoramah hripui vangin mi 684 an thi tawh a, kumin March thla bikah mi 26 an thi tawh.

March 28, Thawhlehni zing dar 6:50 khan Vanlalhriata (48), Chaltlang Lily Veng chu hripui vangin State Refferal Hospital-ah a thi a; Covid-19 a vei tih March 17, Thawhṭanni khan hmuh chhuah a ni.

Thawhṭanni vêk chawhma dar 10:15 khan Mangthahleipari (37), Lungzarhṭum, Lawngtlai district pawh Siaha Dedicated Covid Health Centre-ah a thi a, Covid-19 positive a ni tih March 25, 2022 khan hmuh chhuah a ni.

Thaw Biakzauva (77), Keifang, Saitual district chu Thawhlehni zan dar 8 khan SRH-ah a thi a, March 15, 2022 khan SRH-ah dah luh a nih thu sorkar thuchhuakin a tarlang.