CEO-ah PRISM an zualko

PRISM party chuan kumina Mizoram inthlan­puiah Tuichawng biala BJP candidate Dr BD Chakma chuan nomination paper-a affi­davit-ah a criminal case neih thupah leh a criminal case neih chu Supreme Court thu angin chanchinbu leh TV-ah a puangzar duh loah puhin, Chief Electoral Officer hnenah nimin khan an zualko a, hma la turin an ngen.

PRISM chuan, BD Chakma chu a thubuai neih a tarlan loh avang leh media-a a puanzar loh avangin false affidavit case nei thei turah an ngai tih an tarlang a, "Contempt of Court ni a thei bawk a, IPC Section 175 hmanga hrem theih tur a ni," an ti a; BD Chakma case chu ACB Case No. 4/2018 dated 20.4.2018 U/S 120B/409 IPC R/W 13(1)(c)(d) 13 (2) of PC Act, 1988 a nih thu an tarlang.

PRISM chuan, MLA candidate zinga thubuai nei dangte'n affidavit-a an case neih dan an tarlan leh Supreme Court thupek anga media-a an puanzar dan enfiah turin CEO an ngen bawk.