AICC-in ECI-ah BJP an hek

All India Congress Committee (AICC) chuan Mizorama MLA inthlan neih neih hma ni November 27 tlaiah BJP-te'n pawisa engemawzat an phur lut nia sawiin, Election Commission of India-ah complaint an thehlut.

An general secretary Luzinho Faleiron hminga AICC-in ECI-a complaint an thehluha tarlan a nih danin, BJP-te hian Mizoram MLA inthlana hman atan Silchar lam aṭang leh hmun dang aṭangin pawisa engemawzat Mizoramah an phur lut a ni.

AICC chuan BJP thil tih dan chu Election Model Code of Conduct kalh a nih thu tarlangin, chhui chianga a ṭul anga hma la turin ECI hi an ngen a ni.

MPCC pawhin thuchhuah siamin, "Mizo mipui zawng zawngte kan sakhuana leh rinna ti derthawnga Hindu lalram dintumtu BJP-ten Mizoram sawrkarna ah kut an rawlh loh nan duh tak a kan thlan, kan MLA thar turte rinawmna nen Mizoram tan an din zel theih nan tun aṭang hian rilru fimtak pu chungin venpui hna i lo thawk ang u," an ti.