Zoram Thar din chhan politics thianghlim - Rev. Dr. Zaichhawna

Zoram Thar chuan Durtlanga Jehova Rapha-ah Inrinni khan inkhawm an buatsaih a, an hruaitu Rev. Dr. Zaichhawna Hlawndo chuan Zoram Thar din chhan chu politics thianghlim, khaw­velin a la hmelhriat ngai lo din a nih thu a sawi.

Rev. Dr. Zaichhawna chuan politics thianghlim hi Mizorama Kriastiante chauh ni lo, India ram pum leh khawvel pum atan pawh rahbi thar chuakaina a nih thu sawiin, "Mizoram Assembly inthlanna result lo lang chhuak tur chu Mizoram mipuiten Lalpa lalna an duh tak tak leh duh tak tak loh tarlangtu a ni dawn," a ti.

Rev. Zaichhawna Hlawndo chuan he inthlannaa ding vea Zoram Thar pawlin hma a lakna chu anmahni tan ni loin Lalpa tan a ni tih sawiin, "Kan thiltih dan hi Lalpa lawm zawng a ni," a ti a, inthlanna an din chhan hlawhtlinna chu a taka an chan tawh thu a sawi.