Swab sample endik tam lehzual dan tur sawiho

Covid-19 Medical Operational Team chu nimin khan an chairman Dr ZR Thiamsanga, MLA hoin Hospital & Medical Education directorate conference hall-ah an ṭhukhawm a, Covid-19 swab sample endik tam lehzual dan tur an sawiho.

Ṭhutkhawmah hian Aizawl khawpuia hmun remchang, awlsam taka swab sample endik theihna tur 'Kiosk' buatsaih dan tur sawiho a ni a; a duh apiang tan Covid-19 test theihna hmun tur ruahman mek a nih thu leh chak taka bawhzui mek a nih thu an tarlang. Test man a tláwm thei ang bera tih dan tur rawtna chhawp a ni a, chu chu sorkar pawmpui tura thlen a ni ang.

Meeting chuan, Krismas leh kumthar hman dan turah mipui himna an ngai pawimawh ber a, chumi atana rawtna hrang hrang an buatsaihte chu sorkarah an thlen bawk dawn a ni.