Tripura-a Mizo thlavâng hauha che chhuak turin CM an phût

PC party chuan thuchhuah siamin, Tripura-a Mizote thlavâng hauha che chhuak turin chief minister Zoramthanga an phût.

PC party chuan, "Tripura-a Zo fate chênna Zàmpui tlangdung leh a chhehvela Tuikukte inbenbelna tura ruahmanna kal mek hi ràl thlìr mai lo a, sutkiansak tura che chhuak nghal turin Mizoram CM kan phût a ni," an ti a; Tripura-a Mizote'n buaina, harsatna leh manganna tâwka chhun leh zan an hman mek laia Mizoram CM-in beng a chhu ngawng tlat chu an dem thu leh vanduaithlak an tih thu an tarlang.

"Zampui tlangdunga Zo fate chîmrala an awm loh nan, an chenna ram leh leilungah Tuikukte inbenbeltir lo tur te, Mizote dikna leh chanvo humhimsak a nih theih nante chak taka hma la nghal turin Mizoram sorkar kan phût a ni," an ti bawk.