Dinhmun leh lawmman a inmil lo - ZPM Ṭhalai

ZPM Ṭhalai chuan nimin khan thuchhuah siamin, "MNF sorkarin Jal Shakti Ministry-ah lawmman dawn an duh luat avangin report lem an thehlut em ni?" an ti a; Jal Shakti aṭanga lawmman dawn leh Mizoram dinhmun dik tak a inmil loh thu an tarlang.

Jal Shakti Ministry-in November 11-12, 2020-a National Water Award a semah Mizoram sorkarin special category-ah lawmman pakhatna a dawn thu sawiin ZPM Ṭhalai chuan, "Jal Shakti Ministry-in a tarlan dan chuan, Mizoram chhunga in tin deuh thawin sorkar hmalakna azarah ruahtui dah khâwlna kan nei vek tawh. Report hi thu dik ni se Deputy Speaker-in tui harsatna sukiang tura Sialhau khuaa riak lut meuha a bei hi thil tih ngai lo tawp tur thil a ni zawk," an ti.

ZPM Ṭhalai chuan, Mizoram mipuiin tui lâkna leh dah khâwlna kawnga harsatna a tawh chu sukiang turin Mizoram sorkar an ngen a; inkhualtelem nan mipui hmang tawh lo tur leh mipuiin an chan tur dik tak an chan theih nan dik taka hma la turin an chah bawk.