Pathian ráwn chunga vote thlak turin mipui chah

BJP, Mizoram president Vanlalhmuaka chuan, nimin khan Sangau khuaa vantlang inkhawmah thu a sawi a; LADC MDC inthlan turah ṭawngṭaia Pathian ráwn chunga vote thlak turin mipui a chah.

Vanlalhmuaka chuan, district council-te chu Mizorama sorkar tawhte'n an sawisa ṭhin a, chumi tidam tur chuan BJP-in hma an la mek niin a sawi a, "Sorkar ngêlnghet tak LADC-ah siam a nih pawhin, state sorkar a inthlâk chuan district council-a sorkar an chhaih kual leh vak zel avangin, chumi lak aṭanga chhan chhuak tur che uin BJP chuan theihtawp kan chhuah a ni," a ti.