MP-in kawng siam chungchang sawipui
Lok Sabha MP C Lalrosanga chuan nimin khan New Delhi-a Parliament House pisaah Road Transport and Highways minister Nitin Gadkari a kâwm a, Mizorama kawngpui sial leh siam chungchanga hna kal mekte leh Central Infrastructure Road Fund (CIRF) hmanga Mizorama hna thawh tura rawtnate pawmpui thuai turin a ngen.
C Lalrosanga chuan, CIRF hnuaia Sihhmui - Ramrikawn kawng cheng vbc. 99 sénga thawm ṭhatna tur project pawmpui turin Nitin Gadkari a ngen a; Durtlang Leitan-Sihphir kawng zauh leh thawm ṭhatna tur project pawmpuina nimina Ministry of Road Transport and Highways-in a tichhuak chu lawmawm a tih thu a hrilh.
Durtlang Leitan-Sihphir kawng km. 10 vela thui siamna tur hian CIRF fund cheng vbc 46.57 ruahman a ni.