Mumbai-ah Chapchar Kût

Mumbai Mizo Welfare buatsaihin nimin khan Mum­bai-a Sananil Banguets Hall-ah Chapchar Kût hman a ni a, minister of state Robert Romawia Royte chu kût pa a ni.

Robert Romawia Royte chuan, Mumbai-a Mizote chu Chapchar Kût chibai bûkin, "Mizoram sorkarin khawvel hmun hrang hranga Zo fate insuih khawm leh inpawh tawn zel a duh. Covid hripui karah pawh sorkarin state hrang hranga Zo fate chu a theih ang angin a ngaihtuah a ni. Mumbai Mizote'n Covid harsat laia chhan chhuah hna an thawh dan kha a ropui hle," a ti.

Chapchar Kût hi Mum­bai Mizo Welfare presi­dent David Sinate-in a kaihruai a, Mumbai Mizo­ram House-a deputy resident commi­ssioner H Lalruatliana chu kût thlengtu a ni. Kût pual hian Phei Chheh Mawi Khai hun leh Chapchar Kût nula leh tlangval thlanna buatsaih a ni bawk.