Lunglei by-pass road siam tur Chief Minister-in a enfiah

Chief minister Zoramthanga chuan nimin zing khan Lunglei by-pass road siamna tura ruahman enfiahin Sazaikawn a tlawh a, minister pahnih C Lalrinsanga leh Lalruatkima bakah, HPC vice-chairman Lawmawma Tochhawng, MLA-ten an ṭawiawm.

Lunglei by-pass road hi lirthei lian, bungraw phurin khawpui chhung lut loa pumpelh kawng tura ruahman a ni. Estimate siam tawh niin, 'Chainage 147+200 kmp of ATL Road to Sazaikawn' tia project hming vuah a ni a, km. 22 vela thui tura ruahman a ni.