Zama'n MLA fund-a hnathawhte enfiah

Aizawl West-III bialtu MLA VL Zaithanzama chuan March 30, Nilaini khan a bial chhunga MLA fund hmanga hna thawhte a tlawh kual a, hmathar lakna tura veng hrang hrangin an ruahmante a enpui bawk.

VL Zaithanzama chuan Bungkawn Vengthar leh Maubawka MLA fund hmanga hna thawhte a ennaah, “Aizawl khawpui tui tlan ber Tlawng lui pawhtu Vailui leh Tuikual luite hi khawpui thli luan khawmna a ni a, humhalh leh tihfai a ngai tawh hle. Kan sorkar hotute pawhin hma an lak ran a ngai a, heng lui humhalh tur hian a bul hnai veng tam tak an inhuam a, hmalak pawh an duh hle a ni,” a ti.