Heroin phurtu kum 19 táng turin hrem

Heroin gram 544 (hawng) 34 phurtu Rolianṭhuama (45) s/o Rokhuma, Seling khua chu nimin khan Champhai District Special Court judge R Vanlalena chuan kum 18 táng tur leh Rs. 90,000 chawi turin a hrem.

Champhai aṭanga thu dawn danin, June 2017 khan Rolianṭhuama hian gypsy MZ-01 A-2884 hmangin Bukphir, Myanmar aṭangin heroin gram 544 lain, Aizawl panin a kalpui a; Champhai Police-te'n Khankawn checkgate-ah lo tidingin, motor document-te an endikna lamah heroin an man ni.

Rolianṭhuama sawi dan chuan, amah an man hma ni-ah Bukphir khua awm Kapthangmawia'n a Maruti gypsy chu Aizawl lamah khalhsak turin a sáwm a, a hlawh atan Rs. 10,000 pek a tiam a, chu vang hian motor a khalhsak a, heroin a phur tih a hre lo a ni.

Champhai Special Court chuan, thurehtute thusawi leh police chhui chiannate a zir chian hnuah Rolianṭhuama chu kum 18 chhung táng tur leh Rs. 90,000 chawi turin a hrem ta a ni.