ART late enkawl dan sawiho

HIV dona kawnga thawktu counsellor-te pualin nimin khan Aizawlah anti retroviral therapy (ART) damdawi la mekte enkawlna tih­hmasawn dan tur zirhona buatsaih a ni a; Mizoram State AIDS Control Society (MSACS) project director Dr Lalmalsawmi Sailo-in a hmanpui.

Ni thum awh tur 'Wor­shop on Improving Care, Support & Treatment Service for Key Polulation Client Accessing ART Centre' hawnnaah hian Dr Lalmalsawmi Sailo chuan, rah chhuah khawpa thawk tur chuan rim taka thawh a ngai tih a sawi a, "Kan rama HIV darh zel venna kawngah mahni thawhna hmun theuhah ṭhahnemngaihna thar nena kan thawh a ṭul a ni," a ti.

Workshop-ah hi ART, targetted interven­tion (NGO) leh OST counsellor-te puala buatsaih a ni a, FHI360 leh I-Tech team aṭanga mithiamte'n HIV leh a enkawlna chungchang bakah, gender, sex leh sex­uality, harm reduction leh HIV virus viral load chung­changte an zirtir a ni.