17th. HSS Games Aizawlah ṭan a ni

School Education department chuan nimin aṭang khan Aizawlah 17th. Higher Secondary School Games, 2018 an buatsaih ṭan a; district hrang hranga higher se­condary school (HSS) 25 aṭangin zirlai infiammi 1,200 chuang an tel.

Tun ṭum HSS Games-ah hian infiamna chi hrang pasarihah an intihsiak dawn a, sport discipline hrang hrangte chu hmun hran hrana khelh tur a nih avangin nimin khan inkhelhna tur hmun hrang hrangah School Education department officer-ten an hawng a ni.

Table tennis chu MTTA Hall, Mission Vengah khelh a ni dawn a; basketball chu Electric Veng YMA Hall-ah, athletics leh football chu Rajiv Gandhi Stadium-ah, badminton chu Be­thlehem Veng YMA Hall-ah, volleyball chu ITI GSA Volleyball Court-ah leh, taekwondo chu Electric Veng YMA Multipurpose Hall-ah khelh tur a ni.

HSS Games vawi 17-na hian December 7, Zir­tawpni thleng a awh dawn a, Zirtawpni chhun dar 1-ah Ramhlun Indoor Sta­dium-ah khârna inkhawm neih a ni ang.