KHAWTHLIR

Synod tan
Mizoram Presbyterian Kohhrana inkhawmpui lian ber, Synod Inkhawmpui vawi 95-na chu nizan khan Electric Veng Kohhran biak-inah ṭan a ni a, nimin khan palaite an thleng khawm. Inkhawmpui hi Electric Veng Pastor Bial-in an thleng a, vawiin aṭangin rorel inkhawm neih tur niin moderator thar Rev. R Lalhmingthanga'n a kaihruai ang. Pathianni chawhmaah pastor nemngheh leh probationary pastor dahngheh inkhawm a awm ang a, chawhnuah Lalpa Zanriah Sakramen ṭheh a ni ang. Inkhawmpui thupui chu 'I ram lo thleng rawh se' tih a ni.

Thisen pe
Phulpui Branch KṬP chuan an din champha vawi 64-na pualin nimin khan an Kohhran Hall-ah blood donation camp an huaihawt a, mipa 45 leh hmeichhia palite'n Synod Hospital tan thisen unit 49 an pe. Lawngtlai Electric Veng unit ṬKP pawhin nimin khan Lawngtlai District Hospital tan thisen unit 17 an pe a, a petute mipa 12 leh hmeichhia panga an ni. Serchhip Vengchung Branch KṬP-te pawhin Serchhip District Hospital tan thisen unit 20 an pe a, a petute mipa 14 leh hmeichhia paruk an ni.

Synod tan
Mizoram Presbyterian Kohhrana inkhawmpui lian ber, Synod Inkhawmpui vawi 95-na chu nizan khan Electric Veng Kohhran biak-inah ṭan a ni a, nimin khan palaite an thleng khawm. Inkhawmpui hi Electric Veng Pastor Bial-in an thleng a, vawiin aṭangin rorel inkhawm neih tur niin moderator thar Rev. R Lalhmingthanga'n a kaihruai ang. Pathianni chawhmaah pastor nemngheh leh probationary pastor dahngheh inkhawm a awm ang a, chawhnuah Lalpa Zanriah Sakramen ṭheh a ni ang. Inkhawmpui thupui chu 'I ram lo thleng rawh se' tih a ni.

MNF party lawm
MNF party chuan thuchhuah siamin, tun hnaia an party pisa, Mizo Hnam Rûn rawk a nih chungchangah police hnathawh dan fakawm an tih thu an tarlang a, "Police-in thil ṭul leh chhui ngai zawng zawng thawk nghal zung zungin, a ni là âain thil tisualtu an man a, a thil rûk hralhna nen lam an man chhuak hi lawmawm kan ti tak zet a ni," an ti.