District-ah Rualbanlote Ni an hmang

International Day of Persons with Disabilities (Rualbanlote Ni) chu December 3, Thawhṭanni khan Lawng­tlai leh Mamitah pawh hman a ni a; an district chhunga rualbanlote tan intihhlimna chi hrang hrang an buatsaih.

Mamitah chuan, Chhimveng YMA Hall-ah hman niin, district bawrhsap Vanlalngaihsaka khuallian a ni. Vanlalngaihsaka chuan, pianphung leh rilru lama harsatna nei lote'n kan khawtlang nun leh vantlang nunah thûk zawka rualbanlote'n hmun an chan theih nan tih tur tam tak an neih thu a sawi a, "Khawtlang leh ram hmasawnna tura ke an pên vena tur leh an nunkhua hrim hrimah kan en danin kawng thui takin a hril a ni," a ti.

Inkhawmah hian, Mamit khawpui chhunga zirna lama thawktute, zirlai naupangte leh zirtirtute an tel a, rualbanlote chu thil chi hrang hrang hmangin intihhlimna hun hmanpui an ni. Mamit district chhungah rualbanlo middle school leh primary zirlaiah mi 443 an awm mek a, high school leh higher secondary school0ah zirlai 136 an awm mek thu an tarlang.

Lawngtlaiah chuan Social Welfare department, SSA, RMSA leh Eirene Society-te huaihawt­in LADC Hall-ah hman a ni a, Lawngtlai SDO(Sadar) Rochuangkimi Khenglawt khuallian a ni. Inkhawmah hian rualbanlote'n an tih theihte an entir a, thilpek hlan vek an ni.