Aizawlah Winter Florists' Fair buatsaih

Mizoram Florists' Asso­ciation (MFA)leh Horticulture department chuan nimin khan Aizawl City Park-ah Winter Florists' Fair 2018 an buatsaih a, Horticulture secretary Rodney L Ralte-in a hawng.

Rodney L Ralte chuan, MFA member-te chu ṭang sauh sauh tura fuih­in, "State leh ram páwn aṭanga pangpar lam chi ṭha lâk luhte pawh tipung zel a, Mizoram páwna hralh chhuah leh tlak tur khawpa thar chhuah tum ang che u. State dangte pawhin Mizoram min hriat lâr theih nan theihtawp chhuah a ngai a, department pawhin a theih ang anga puih che u a inhuam a ni," a ti.

MFA president Lal­ropari chuan, Florists' Fair danglamna leh hlut biknate sawiin, "Florist Fair reng rengah hian Mizo kutchhuak pho­chhuaha kan rama thar chhuah ngei zawrh a ni ṭhin. Hengte hi ram pawn lam aṭanga châwk luh ho aiin a hrisel a, Mizoram sik leh sa a mil tâwk bawk a, an hriselin an tuarchhel bik a ni," a ti a, Mizoram tharchhuah ngei lei ṭhin turin mipui a chah.

Florist Fair-ah hian dawr 88 siam a ni a, pangpar ṭiak, a kung puitling leh pangpar khawihna pot chi hrang hrang zawrh a ni.

Nimin khan Governor Kummanam Rajasekharan chuan Fair hi a tlawh bawk.